વાંકાનેરના ઢુવા ઓવરબ્રીજ નજીક થાંભલા સાથે બાઈક અથડાતા ચાલકનું મોત

વાંકાનેર તાલુકાના ઢુવા ઓવરબ્રીજ પાસે એકે હોટલ નજીક રોડ પાર આવેલ લોખંડના થાંભલા સાથે બાઈક અથડાતા અકસ્માત સર્જાયો હતો જેમાં બાઈક ચાલકનું મોત નીપજ્યું છે.

ઢુવા ઓવરબ્રીજ પાસે એકે હોટલ સામે ઢુવા તરફ જવાના સર્વીસ રોડ પાસે ડીવાઇડર પર લોખંડના થાંભલા સાથે બાઈક અથડાતા અકસ્માત સર્જાયો હતો. બાઈક હોન્ડા લીવો રજી.નં.જીજે-૩૬-એચ-૯૮૭૪ના ચાલક મયુરભાઇ નવીનભાઇ હદવાણી (ઉ.વ.૩૮) રહે.હાલ મોરબી-૨ વૃંદાવનપાર્ક સોસાયટી ગોકુલ હાઇટ્સ ફલેટ નં.૧૦૧ મુળ જુનાગઢવાળાએ આડેધડ બાઈક ચલાવી સ્ટેરિંગ પરનો કાબૂ ગુમાવતા અકસ્માત થયો હતો જેમાં ગંભીર ઇજા પહોંચતા ચાલક માયુરભાઈ નું મોત નીપજ્યું હતું આ બનાવને પગલે પોલીસે આગળની કાર્યવાહી હાથ ધરી છે.