મોરબી તાલુકાના રફાળેશ્વર ખાતે કારખાનામાં થયેલ દશ લાખની ઘરફોડ ચોરીનો પોલીસે ગણતરીના દિવસમાં ભેદ ઉકેલી નાખી ચોરાઉ મુદામાલ સાથે બે આરોપીઓને દબોચી લીધા છે.
રફાળેશ્વર ખાતે આવેલ દરીયાલાલ હોટલ પાછળના ક્રિષ્ના વોલ એન્ડ ગ્લેજ ટાઇલ્સના કારખાનામાં ચોરીનો બનાવ સામે આવ્યો હતો આ અંગે પોલીસ ફરિયાદ નોંધાઇ હતી. જે સિરામીક કારખાનામાં પ્રેસ મશીનમાં ઉપયોગ થતા ૧૦ ઇલેકટ્રીક પ્રેસકાર્ડ પૈકી ૦૨ પ્રેસકાર્ડ લઇ બે ઇસમો એક મોટર સાયકલ નં . GJ – 03 – S – 8037 માં લઇ વેચવા જવાના હોવાની અને ત્રાજપર ચોકડીથી પસાર થવાના હોય તેવી પોલીસને બાતમી મળી હતી. જેને પગલે પોલીસે મોરબી તાલુકાના ત્રાજપર ચોકડી પાસે વોચ ગોઠવી હતી આ દરમ્યાન મોટર સાયકલમાં બે ઇસમો પસાર થતા તેને રોકી તેઓની ઝડતી તપાસ કરતા બે શંકાસ્પદ પ્રેસકાર્ડ ઝડપાયા હતા. જેથી પોલીસે આકરી પૂછપરછ કરતા આરોપી ભાવેશ વિરમભાઇ પુછડીયા (ઉ.વ.૨૪, રહે . હાલ – ગુ.હા.બોર્ડ , ઋષિકેશ વિદ્યાલય સામે મોરબી) અને નિલેશ લાખાભાઇ કારેણા (રહે.ગુ.હ.બોર્ડ , સામાકાંઠે, મોરબી)એ ચોરીની કબુલાત આપી હતી.ત્યારબાદ પોલીસે બને ઇસમો પાસેથી સિરામીક કારખાનામાં પ્રેસ મશીનમાં ઉપયોગ થતા પેસકાર્ડ નંગ -૧૦ કિં.રૂ .૧૦,૦૦,૦૦૦ તથા એક હિરો હોન્ડા કંપનીના સ્પ્લેન્ડર મોટર સાયકલ કિં રૂ .૧૦,૦૦૦, બે મોબાઇલ ફોન કિ.રૂ .૧૦,૦૦૦ મળી કુલ કિં રૂ.૧૦,૨૦,૦૦૦ નો મુદ્દામાલ રીકવર કરી આગળની કાર્યવાહી હાથ ધરેલ છે.
