હળવદ પોલીસે ગઈકાલે બાતમીના આધારે હળવદમાં કે.કે.કંટ્રકશન નામની દુકાનમાંથી વિદેશી દારૂની બોટલો સાથે એક આરોપીને ઝડપી લીધો હતો.જ્યારે બીજો આરોપી ફરાર થઈ ગયો હતો.
- Advertisement -
- Advertisement -
હળવદ પોલીસ સ્ટાફે ગઈકાલે બાતમીના આધારે હળવદના દિવ્યપાર્ક-૨ બહાર રોડ પર આવેલ કોમ્પલેક્ષમાં કે.કે.કંટ્રક્શન નામની દુકાનમાં રેઇડ કરી આ કે.કે.કંટ્રકશન નામની દુકાનમાંથી એક વાદળી કલરનો ઓપો કંપનીનો F9 Pro મોડેલનો મોબાઇલ જેની કિં.રૂ.૫૦૦૦ તથા અલગ અલગ બ્રાન્ડની વિદેશીદારૂની બોટલો નંગ-૦૭ કિં.રૂ.૫૭૪૦/- તેમજ ચપલા નંગ-૩૧ કિં.રૂ.૩૧૦૦ મળી કુલ કિં.રૂ.૧૩,૮૪૦ ના મુદામાલ સાથે આરોપી દુકાનદાર ખેંગારભાઇ રામજીભાઇ કલોતરાને ઝડપી લીધો હતો.જ્યારે આ આરોપીને વેચાણ માટે દારૂ આપનર બુટલેગર ફીરોજભાઇ ઇસાભાઇ મીંયાણાનું નામ ખુલતા પોલીસે તેને પણ ઝડપી લેવા તપાસ હાથ ધરી છે.
