ટંકારા ગ્રામ્ય પંથકમાંથી સગીરાનું અપહરણ

ટંકારાના ગ્રામ્ય પંથકમાંથી સગીરાનું કોઈ અજાણ્યો શખ્સ અપહરણ કરી ગયાની ફરિયાદ નોંધાઇ છે. ટંકારા પોલીસે બનાવની ફરીયાદ નોંધી વધુ તપાસ હાથ ધરી છે.

બનાવની ટંકારા પોલીસ મથકેથી પ્રાપ્ત વિગતો અનુસાર ટંકારાના ગ્રામ્ય વિસ્તારમાં રહેતી સાડા તેર વર્ષની સગીરાનું ગત તા.૧૫ ના રોજ કોઈ અજાણ્યો શખ્સ અપહરણ કરી ગયો હતો. આ બનાવને પગલે સગીરાના પિતાએ ટંકારા પોલીસ મથકે ફરિયાદ નોંધાવી છે. પોલીસે આ બનાવની ફરિયાદ નોંધી આરોપીને ઝડપી લેવા તપાસ હાથ ધરી છે. આ બનાવની વધુ તપાસ સીપીઆઇ બી.પી.સોનારા ચલાવી રહ્યા છે.