હળવદમા આધેડના હત્યારાને ઝડપી લઈ હત્યાનું કારણ જાણવા પોલીસ દ્વારા વિશેષ તપાસ

હળવદના ભવાનીનગર ઢોળો વેગડવાવ રોડ પર આધેડની તિક્ષ્ણ હથિયાર વડે ગળાના ભાગે ઘા ઝીંકી એક શખસે હત્યા નીપજાવી હતી. આ પ્રકરણમાં પોલીસે મૃતકના પૌત્રની ફરિયાદ પરથી કલમ ૩૦૨ મુજબ ગુનો દાખલ કરી આરોપીની ધરપકડ કરી હત્યાનુ કારણ જાણવા વિશેષ તપાસ હાથ ધરી હતી.

હળવદના ભવાનીનગર ઢોળો વેગડવાવ રોડ પર રહેતા આધેડ જેમાભાઈ રૂપાભાઈ નંદેસરીયા ( ઉ.વ.૫૫) ને તે જ વિસ્તારમાં રહેતા વનરાજ ચતુરભાઈએ તિક્ષ્ણ હથિયાર વડે ગળાના ભાગે ઈજા પહોંચાડી કરપીણ હત્યા નીપજાવી હતી. જો કે બનાવનુ કારણ હજુ અકબંધ હોય પોલીસે હત્યાનુ કારણ જાણવા વિશેષ તપાસ હાથ ધરી હતી. તેમજ મૃતકના પૌત્ર પ્રવિણભાઈ નંદેસરીયાની ફરિયાદ પરથી હત્યાની કલમ ૩૦૨ હેઠળ ગુનો નોંધી આરોપી વનરાજની ધરપકડ કરી હત્યાનુ કારણ જાણવા તપાસ હાથ ધરી છે.