માળીયા(મી) પોલીસને મળેલી ચોક્કસ બાતમીના આધારે સરવડ ગામના પાટિયા પાસે માળીયા-જામનગર હાઇવે પર વોચ ગોઠવવામાં આવી હતી. દરમિયાન બાતમીવાળું હીરો સ્પ્લેન્ડર બાઈક રજી.નં. જીજે-૩૬-એજી-૦૨૭૧ આવતા પોલીસે તેને ઉભું રાખવાનો ઈશારો કર્યો હતો, પરંતુ ચાલકે બાઈક ફૂલ સ્પીડમાં ચલાવી ભાગવાનો પ્રયાસ કરતાં પોલીસે પીછો કરી તેને ઝડપી લીધો હતો. આ સાથે બાઈક ચાલક આરોપી વિજયભાઈ દેવજીભાઈ પરમાર ઉવ.૨૧ રહે. સરવડ ગામ તા.માળીયા(મી) વાળા પાસેથી વિદેશી દારૂની નાની-મોટી કુલ ૧૯ બોટલ કિ.રૂ.૫,૪૫૫/- કબ્જે લેવામાં આવી હતી.
હાલ દારૂની હેરાફેરીમાં ઉપયોગમાં લેવાયેલું બાઈક કિ.રૂ.૩૦,૦૦૦/- સહિત પોલીસે કુલ રૂ.૩૫,૪૫૫/-નો મુદામાલ જપ્ત કર્યો હતો. પકડાયેલા આરોપીની પૂછતાછમાં દારૂનો જથ્થો મનસુખભાઈ ચાવડા રહે.ઇન્દિરાનગર મોરબી-૨ વાળા પાસેથી લીધો હોવાનું પોલીસ સમક્ષ જણાવતા તેને ફરાર દર્શાવી બન્ને આરોપી સામે ગુનો નોંધી પોલીસે આગળની તજવીજ હાથ ધરી છે.
