મોરબીમાં વૃધ્ધાના ગળામાંથી ત્રણ તોલા સોનાના ચેનની ચીલ ઝડપ

મોરબી માંથી પોતાના ઘર ના ઓટલે બેસેલ એક વૃદ્ધા ના ગળા મા પહેરેલ સોના ના ચેન અને પેન્ડલ ની ચિલઝડપ થઈ હતી.

જેમાં મળતી વિગત મુજબ મોરબી-૨ ના ઋષભનગરમાં રહેતા વૃધ્ધા લાભુબા જાડેજા પોતાના ઘર ના ઓટલા પર બેઠા હતા તે દરમિયાન કોઈ અજાણ્યો બાઈક ચાલક આવી ગળામાં પહેરેલ દોઢ તોલા ના સોનાના પેન્ડલ સાથે દોઢ તોલા નો સોના નો ચેન મળી કુલ ત્રણ તોલા નો ચેન આંચકી ફરાર થઈ ગયો હતો. આ રીતે ગળામાંથી ચેનની ચીલ ઝડપ કરી સમડી ઉડી જતા પોલીસે તપાસ હાથ ધરી હતી.

આ બાબતે મોરબી સીટી બી ડીવીઝન પોલીસ દ્વારા ભોગબનનાર ની ફરિયાદ નોંધી ચિલઝડપ કરનાર શખ્સને ઝડપી લેવા વધુ તપાસ હાથ ધરી છે.