સમૂહ લગ્નની કંકોત્રી દરેક મહેમાનોને બાર મહિના કામ આવે તે રીતે કેલેન્ડર સાથે છાપવામાં આવી
યુવા કમીટી અને મહિલા સમિતી દ્વારા તડામાર તૈયારીઓ
ટંકારામાં શ્રી સરદાર લેઉવા પાટીદાર સમાજનો છઠ્ઠો શાહી સમૂહ લગ્નોત્સવ વસંત પંચમીના તા.2/2/2025 રવિવાર નારોજ યોજાશે 27નવ યુગલો આ દિવસે પ્રભુતામાં પગલા માંડશે
આ સમૂહ લગ્ન ઉત્સવમાં પાટીદાર સમાજના શ્રેષ્ઠીઓ ,દાતાઓ ,
રાજકીય મહાનુભાવો ,સામાજીક આગેવાનો ઉપસ્થિત રહેશે.
આ પ્રસંગે રવિવારે સવારે 8:30 કલાકે જ્ઞાતિ સ્નેહમિલન અતિથી આવકાર , 9 વાગ્યે વિદ્યાર્થી સત્કાર સમારોહ યોજવામાં આવશે બપોરે પ્રિતી ભોજન 2:30 વાગ્યે જાન આગમન સાંજે 4 કલાકે દાતાશ્રીઓનો સન્માન ત્યાર બાદ ઢળતી સાંજે વર અને કન્યા નો હસ્ત મેળાપ પછી નો કાર્યક્રમ બાદ સંધ્યા ભોજન યોજાશે આ લગ્ન ઉત્સવમાં કન્યાઓને સમિતિ દ્વારા 75 જેટલી ધર વખરી કરિયાવર પણ અપાશે.
કાર્યક્રમનું આયોજન શ્રી સરદાર લેઉવા પાટીદાર સમાજ ટંકારા તથા યુવા કમિટી કારોબારી કમિટી ,મહિલા સમિતિ દ્વારા કરાયેલ છે. આ સમૂહ લગ્નનું સ્થાન રાજકોટ- મોરબી હાઇવે ઉપર આવેલ દેવકુંવર શૈક્ષણિક સંકુલ ટંકારા ખાતે રાખેલ છે.તેમજ આ સમૂહ લગ્નની કંકોત્રી કેલેન્ડર સ્વરૂપે છપાવી આમંત્રણ કાયમ યાદગાર રહે અને ઉપયોગી થાય એવા ઉમદા ઉદાહરણ સાથે કમિટી દ્વારા સરાહનીય કાર્ય કરવામાં આવ્યું છે.
