મોરબીમાં એપાર્ટમેન્ટની ધાબા પર જુગાર રમતાં ત્રણ ઝડપાયા

મોરબી એ ડીવીઝન પોલીસ સ્ટાફ પેટ્રોલીંગમાં હોય દરમ્યાન આજરોજ ધરતી ટાવરનાં ધાબા પર અમુક ઈસમો જુગાર રમતા હોવાની બાતમીના આધારે રેઈડ કરી ધાબા પર જુગાર રમતા ભીખાભાઈ બાબુલાલ પટેલ, મહેશભાઈ રમણલાલ પટેલ, રણજીતસિંહ લાખાજી વાઘેલાને રોકડા રૂ. ૧૭૧૦૦/- સાથે ઝડપી પાડી ત્રણેય આરોપીઓ વિરુદ્ધ જુગારધારા કલમ હેઠળ ગુનો નોંધી ધોરણસરની કાર્યવાહી હાથ ધરી છે.

આ કામગીરીમાં પીઆઈ બી. પી. સોનારા, પીએસઆઈ એસ. એમ. રાણા, પો.હેડ.કોન્સ. કિશોરભાઈ મિયાત્રા, રામભાઈ મંઢ, સંજયભાઈ બાલાસરા, પો.કોન્સ. ચકુભાઈ કરોતરા, આશીફભાઈ રાઉમા, સમરતસિંહ ઝાલા, ભરતભાઈ હુંબલ સહિતનાઓ રોકાયેલા હતાં.