મોરબી પંથકમાં અકસ્માતના બનાવોમા દિન પ્રતિદિન ઉછાળો આવી રહ્યો છે તેવામાં આજે મોરબીના રોકડીયા હનુમાન નજીક ડમ્પર અને ટેક્ટર વચ્ચે ગમખ્વાર અકસ્માત સર્જાયો હતો જેમાં નવ લોકોને ઇજા પહોંચતા તાબળતોબ હોસ્પિટલ ખાતે ખસેડવામાં આવ્યા હતા. અકસ્માતને પહલે રોડ પર ક્ષણિક ટ્રાફિક જામના દ્રશ્યો સર્જાયા હતા.
મોરબીના નવલખી રોડ પર આવેલ રોકડીયા હનુમાન નજીકથી ટેક્ટર પસાર થઈ રહ્યું હતું જેને બેફામ સ્પીડે આવતા ડમ્પરે ઠોકર મારતા અકસ્માત સર્જાયો હતો. આ ગમખ્વાર અકસ્માતમાં ટ્રેકટરની ટ્રોલી રોડની નીચે ઉતરી પલટી ખાઈ જતા 9ને નાની મોટી ઇજા થવા પામી હતી. જેમાં મીનાબેન દિનેશભાઇ ઉપસડીયા, અલ્પેશભાઈ દેવજીભાઈ પરમાર, રીંકુ દિનેશભાઇ ઉપસડીયા, તેજશ મહેશભાઈ ઉપસડીયા, નિલેશભાઈ દિનેશભાઇ ઉપસડીયા, ભગવતી ચુનીલાલ ઉપસડીયા, પૂજા શશીકાંત ઉપસડીયા, શિલ્પાબેન જીવરાજ અગેચડિયા, લાલુ સાદુરભાઈ અગેચડિયાને ઇજા પહોંચી હતી. અકસ્માતને પગલે ઘાયલ મહિલા, બાળકો સહિતનાઓને તાત્કાલિક સારવાર અર્થે સિવિલ અને ખાનગી હોસ્પિટલ ખાતે ખસેડવામાં આવ્યા હતા.
