મોરબી જુના બસ સ્ટેશન નજીક બે અલગ અલગ સ્થળેથી સીટી એ ડિવિઝન પોલીસે વરલીના આંકડા લેતા ત્રણ આરોપીઓને ઝડપી લીધા હતા આ ગુન્હામા અન્ય બે આરોપીઓના નામ ખુલતા આ શખ્સોને પકડી પાડવા પોલીસે તપાસ આદરી છે.
મોરબીના સાવસર પ્લોટ મેઇન રોડ વર્લી ફીચરના આકડા લખી જુગાર રમતા આરોપી મનસુખ કરમશીભાઇ પરમાર (ઉ.વ.-૩૦) માધાપર શેરી નં-૧૮ અંબીકા રોડ પાછળ મોરબીવાળાને ઝડપી લીધો હતો પોલીસે રૂપિયા ૧૭૦૦નો મુદ્દામાલ કબજે કર્યો હતો.આ ગુન્હા અન્ય એક આરોપી જાવીદ નેકમામદ ભટ્ટી રહે. જોન્સનગર મોરબીવાળાનું નામ ખુલતા તેને ઝડપી લેવા પોલીસે તપાસ હાથ ધરી છે.
પોલીસની અન્ય એક રેઇડમાં મોરબીના જુના બસ સ્ટેશન પાસે આવેલ ચામુંડા ચા વાળી શેરીમાં આરોપી સોયબ ઓસમાણભાઇ નકુમ તથા કબીરશા અલીશા કાદરી બન્ને વરલી મટકાના આંકડા લખી જુગાર રમતા ઝડપાયા હતાં.જેથી પોલીસે ચાર હજાર રોકડા, પેન, મોબાઇલ સહિત નવ હજારનો મુદ્દામાલ કબજે કરી આગળની કાર્યવાહી કરી હતી. આ ગુન્હામાં સલીમ ઉર્ફે ડાડો નેકમામદભાઇ ભટીની સંડોવણી ખુલતા પોલીસે તપાસ આદરી છે.
