મોરબીમાં પરશુરામ યુવા ગ્રુપ દ્વારા શ્રી પરશુરામ ભગવાનની જન્મ જયંતી ની દ્વિદિવસિય ઉજવણી કરવામાં આવી હતી જેમાં જન્મ જયંતીની પૂર્વ સંધ્યાય ડાંડિયારાસ તેમજ જન્મ જયંતીના દિવસે ભવ્ય શોભાયાત્રા નું આયોજન કરવામાં આવ્યું હતું.
શ્રી પરશુરામ ભગવાનની જન્મ જયંતી ની ઉજવણીને ભાગરૂપે મોરબીમાં પરશુરામ યુવા ગ્રુપ દ્વારા ભવ્ય ઉજવણી કરવામાં આવી હતી જેમાં ઉજવણીમાં જન્મ જયંતિ ની પૂર્વ સંધ્યાએ દાંડિયા રાસનું તેમજ મહાપ્રસાદ નું આયોજન કરવામાં આવ્યું હતું અને મધ્યરાત્રીએ શ્રી પરશુરામ ભગવાનના જન્મોત્સવની ઉજવણી કરવામાં આવી હતી.
ત્યારબાદ બીજા દિવસે મોરબીમાં શ્રી પરશુરામ ભગવાનની શોભાયાત્રા નું આયોજન કરવામાં આવ્યું હતું આ ભવ્ય શોભાયાત્રામાં મોટી સંખ્યામાં મોરબીના બ્રહ્મ પરિવારો જોડાયા હતા.
તેમજ આ શોભાયાત્રા મોરબી શહેરના મુખ્ય માર્ગ પર ફરીને નવલખી ફાટક પાસે આવેલ પરશુરામ ધામ ખાતે સમાપન કરવામાં આવી હતી જ્યાં સર્વે ભૂદેવ એ સાથે મળીને જન્મ જયંતીની ઉજવણી કરી અને મહાપ્રસાદનો લાભ લીધો હતો.
