મોરબી જિલ્લાનાં મોરબી–વાંકાનેર હાઇવે ઉપર એક રોડ અકસ્માત સર્જાયો હતો. જેમાં મોરબી–વાંકાનેર હાઇવે ઉપર મકનસર નજીક ટેઇલરનુ ટાયર અચાનક જ નીકળી ગયું હતું. પૂર ઝડપે દોડતા ટેઇલરનુ ટાયર નીકળી જઈ પાછળ આવતી બાઈક સાથે અથડાતા બે લોકો ઈજાગ્રસ્ત થયા છે. જયારે ટેઇલરનો ચાલાક ટેઇલર લઈ ફરાર થઇ જતા સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અંનુસાર, મોરબી–વાંકાનેર હાઇવે ઉપર મકનસર નજીકથી અશોકભાઇ બહાદુરભાઇ સારલા અને દેવાભાઇ પસાર થઈ રહ્યા હતા. ત્યારે આગળ પૂર ઝડપે ઝડપે દોડતું GJ-12-AZ-6161 નંબરનું ટેઇલરનું જોટાનું ટાયર ફાટી છૂટું પડી રસ્તા ઉપર આવી જતા પાછળ GJ-36-AB-3596 નંબરની બાઇકમાં આવી રહેલા બંને શખ્સોના બાઈક સાથે અથડાતા બંનેને ઈજાઓ પહોંચી હતી. જેને પગલે બંને ઇજાગ્રસ્તોને સારવારમાં ખસેડવામાં આવ્યા હતા. જયારે ટેઇલર ચાલક ટેઇલર લઇ ફરાર થયો હતો. ત્યારે સમગ્ર મામલે મોરબી તાલુકા પોલીસ સ્ટેશનમાં ફરિયાદ નોંધાઈ છે. અને પોલીસ ટેઈલર ચાલાકને પકડી પાડવા ચક્રો ગતિમાન કર્યા છે.
