મોરબી પંથકમાં હોળી ધુળેટીના પર્વને લઈને બંધાણીઓનીં પ્યાસ બુજાવવા બુટલેગરો બેફામ બન્યા છે બીજી બાજુ પોલીસ પણ સતર્ક બની રીતસરની મેદાને ઉતરી બોટલેગરોને દારૂના જથ્થા સાથે ઝડપી રહી છે ત્યારે મોરબીના લગધીરગેટ પોલીસ ચોકી પાસે કારમાંથી 58 બોટલ દારૂ સાથે બે ઇસમોને પકડી લીધા હતા.
મોરબીના લગધીરગેટ પોલીસ ચોકી પાસેથી પસાર થતી અર્ટીંગા ફોર વ્હીલ ગાડી રજી. નં.જી.જે. ૨૭ એ.એ. ૪૦૨૩ને અટકાવી પોલિસે તલાશી લેતા કારમાંથી 22 હાજરની કિંમતની 11 બોટલ રેડ લેબલ, રૂપિયા 18860ની કિંમતની 23 બોટલ સિગ્નેચર માસ્ટર અને બ્લેન્ડર પ્રાઇડની ૨૪ બોટલ કિં.રૂ.૨૦,૪૦૦નો જથ્થો ઝડપાયો હતો જેને લઈને પોલીસે આરોપી કાનજીભાઇ ઉર્ફે કાનો જસાભાઇ ડોડીયા અને ભાવેશભાઇ નીરૂભાઇ જાદવને ઝડપી લીધા હતા. પોલીસે સુઝુકી કંપનીની અર્ટીગા ફોર વ્હીલ ગાડી રજી નં. જી.જે. ૨૭ એ.એ. ૪૦૨૩ કિ.રૂ. ૨,૦૦,૦૦૦ સહિત કુલ રૂ.૨,૬૧,૨૬૦નો મુદામાલ કબ્જે કરી આરોપી વિરુદ્ધ કાયદેસરની કાર્યવાહી હાથ ધરી હતી.
