વાંકાનેર: કારખાનામાં રમતા રમતા માસૂમ બાળક મશીનમાં ફસાઈ જતા કરૂણ મોત

વાંકાનેરના સરતાનપર રોડ પર રેન્સો ઇન્ડસ્ટ્રીઝમાં રમતા રમતા ૨ વર્ષીય બાળક મશીનમાં ફસાઇ જતા તેનું મોત નીપજ્યું હતું. વાંકાનેર તાલુકા પોલીસે અ.મોત નોંધ કરી તપાસ શરૂ કરી છે.

મળતી વિગતો મુજબ, વાંકાનેરના સરતાનપર રોડ પર રેન્સો ઇન્ડસ્ટ્રીઝમાં રહેતા મૂળ આમલી પઠાર જી.જાંબુઆ (મધ્યપ્રદેશ)ના શ્રમિક પરિવારનો પુત્ર સીરાજ રિતેસભાઇ આઇડીયા ઉવ.૦૨ ગત તા.૨૬/૦૫ના રોજ કારખાનામાં મશીનના લોખંડની પ્લેટની વચ્ચે ફસાઇ ગયો હતો. જેમાં માસૂમ બાળકને ગંભીર ઇજા થતાં ઘટનાસ્થળે જ તેનું મૃત્યુ નીપજ્યું હતું. મૃત્યુના બનાવ અંગે વાંકાનેર તાલુકા પોલીસે મરણ નોંધ કરી વધુ તપાસ ચલાવી છે.