મોરબીમા કોઝવેમાં નાહવા પડેલા યુવાનનું મોત: લક્ષ્મીનગર ગામે ઝેરી દવા પી યુવાનનો આપઘાત

મોરબીમાં ઝૂલતા પુલ નજીક ન્હાવા ગયેલા યુવાનનું ડૂબી જવાથી મોત નીપજ્યું છે ઉપરાંત મોરબી તાલુકાના લક્ષ્મીનગર ગામેં યુવાને ઝેરી દવા પી લેતા તેનું મોત થયું હોવાનું સામે આવ્યું છે.

મોરબી શહેરના ઝુલતા પુલ નીચ કોઝવેના પાણીમાં ન્હાવા પડેલા રઘુભાઇ ગોરધનભાઇ કુંઢીયા (ઉ.વ.૩૫) રહે. ટંકારા દ્રારકાધીશ જીનની બાજુમાં મોરબીવાળાનું કોઝવેના ધસમશતા પણીમાં ડૂબી જવાથી મોત નીપજ્યું છે.આ અંગે સીટી બી ડિવિઝન પોલીસ મથકે જાણ કરતા પોલીસે કાર્યવાહી હાથ ધરી છે.

બીજી તરફ મોરબી તાલુકાના લક્ષ્મીનગર ગામે ઓફીસ ધરાવતા અને નવી પીપળી ગામે રહેતા સંદિપ રૂગનાથભાઇ જેઠલોજા (ઉવ.૩૮) નામના યુવાને લક્ષ્મીનગર ગામ પાસે પોતાની ઓફીસમાં ઝેરી દવા પી લેતા તેઓનું મોત નીપજ્યું હોવાનું સામે આવ્યું છે