મોરબીના નારણકા ગામે ઝેરી દવાની અસરથી યુવાનનું મોત

મોરબી તાલુકાના નારણકા ગામે ઝેરી દવાની અસર થતા યુવાનનું સારવાર દરમિયાન મોત નીપજ્યું હોવાનું સામે આવ્યું છે.

મોરબી તાલુકાના નારણકા ગામે ગત તા. 13 ના રોજ ખેતરે દવા છાંટવા ગયેલા નાનજીભાઈ અન્યાભાઈ દાણા (ઉ.વ.25)ને ઝેરી દવાની અસર થતા તેઓને સારવાર અર્થે મોરબીની ખાનગી હોસ્પિટલમાં ખસેડવામાં આવ્યા હતા. જ્યાં વધુ સારવારની જરૂર જણાતા રાજકોટની સરકારી હોસ્પિટલમાં ખસેડવામાં આવ્યા હતા. ત્યાં સારવાર દરમિયાન યુવાનનું મોત થયુ હોવાનું ફરજ પરના ડોકટરે જાહેર કર્યું હતું.