મોરબીની મહેન્દ્રનગર ચોકડી પાસે પૈસાની ઉધરાણી બાબતે યુવાન પર છરી વડે હુમલો

બનાવની મોરબી બી ડીવીઝન પોલીસ સ્ટેશનેથી પ્રાપ્ત વિગતો અનુસાર મોરબીના ત્રાજપર ગામ નજીક રહેતા અમિતભાઈ લાભુભાઈ વરાણીયા (ઉ.વ.૨૧) એ ફરિયાદ નોંધાવી છે કે તેના ભાઈ જયદીપભાઈ આરોપી વસીમ યુનુસભાઈ પલેજા (રહે. કાંતિનગર) વાળા પાસે પૈસા માંગતો હોય જેની ઉધરાણી કરતા આરોપીએ ફરિયાદી અમિતભાઈ તથા સાથેનાં વ્યક્તિને ગાળો આપી ઢીકા પાટુંનો માર મારી આરોપી વસીમ પલેજાએ પોતાની પાસે રહેલ છરીનો એક ઘા ફરિયાદી અમિતભાઈને જમણા પડખામાં મારી ઈજા કરી તથા શરીરે મુંઢ ઈજાઓ કરી હતી. બનાવની ફરિયાદનાં આધારે મોરબી બી ડીવીઝન પોલીસે ગુનો નોંધી આગળની વધુ તપાસ હાથ ધરી છે.