મોરબીમાં વર્લી ફીચરનો જુગાર રમાડતો શખ્સ ઝબ્બે

મોરબીમાં દારૂ જુગારના હાટડાઓ ઉપર તૂટી પડવાની ઉચ્ચ અધિકારીઓની સૂચના અન્વયે મોરબી સીટી બી ડિવિઝન પોલીસે વીસીપરા મેઇન બજારમાં નોતીયાર પાન નજીક વર્લી ફીચરનો જુગાર રમતો શખ્સ પોલીસ ઝપટે ચડ્યો છે.

બનાવ અંગેની મળતી માહિતી અનુસાર, મોરબી સીટી બી ડિવિઝન પોલીસનો સ્ટાફ પેટ્રોલિંગમાં હતો. ત્યારે તેઓને બાતમી મળેલ કે, વીસીપરા મેઇન બજારમાં આવેલ નોતીયાર પાન નજીક જાહેર રોડ ઉપર સાલેમહમદ ઉમરભાઇ પઠાણ નામનો શખ્સ વર્લી ફીચરનો આંકડા આધારિત જુગાર રમી અને રમાડી રહ્યો છે. જે હકીકતના આધારે સીટી બી ડિવિઝન પોલીસે રેડ કરતા સ્થળ પરથી આરોપી ઝડપાયો હતો. જેની પાસેથી વરલી ફિચરનાં આંકડા લખેલ એક ચિઠ્ઠિ સહીત કુલ રૂ. ૭૫૦/- નો મુદ્દામાલ પોલીસે કબ્જે કરી આગળની કાર્યવાહી હાથ ધરી છે.