મોરબીના વૃદ્ધનો એસિડ ગટગટાવી આપઘાત

ટંકારા તાલુકાના કલ્યાણપુર ગામના પાટીયા પાસે મોરબીના વૃદ્ધએ એસિડ ગટગટાવી લેતા તેઓનું સારવાર દરમિયાન મોત નીપજ્યું છે.

આ બનાવની પ્રાપ્ત વિગતો અનુસાર મોરબી-૨ માં આવેલ ઉમા ટાઉનશીપ શાંતિ પ્લોટ ખાતે રહેતા વલ્લભભાઇ ઠાકરશીભાઇ ડઢાણીયા (ઉ.વ.૬૮) નામના વૃદ્ધએ ગઈકાલે તા.૧૬ ના રોજ ટંકારા તાલુકાના કલ્યાણપુર ગામના પાટીયા પાસે અગમ્ય કારણોસર એસીડ પી લીધું હતું. જેની જાણ થતા તેઓને તાકીદે ટંકારાની સરકારી હોસ્પિટલ ખાતે ખસેડાયા હતા જ્યાં વધુ સારવારની જરૂર જણાતા રાજકોટ ખસેડાયા હતા. પરંતુ સારવાર કારગત ન નિવડતા તેમનું સારવાર દરમિયાન મોત નીપજ્યું હતું.