પ્રતાપગઢ ગામે કૂવામાં પડી જતા પરપ્રાંતીય યુવાનનું મોત

વાંકાનેર તાલુકાના પ્રતાપગઢ ગામની સીમમા આવેલ વાડીના કૂવામાં અકસ્માતે પડી જતા યુવાનનું મોત નીપજ્યું હોવાનું સામે આવ્યું છે.

બનાવની વિગત મુજબ વાંકાનેર તાલુકાના પ્રતાપગઢ ગામની સીમમા આવેલ ઉસ્માનભાઇ અમીભાઇ કડીવારની વાડીના કૂવામાં અકસ્માતે પડી જતા છીતુસીંગ કાલુભાઇ અજનાર (ઉવ.૩૫) રહે. હાલ પ્રતાપગઢ તા.વાંકાનેર મુળ રહે. ઇન્ડવાન તા.નાનપુર જી.અલીરાજપુર (મધ્યપ્રદેશ) વાળાનું મોત નીપજ્યું છે.
આ બનાવ અંગે વાંકાનેર પોલીસને જાણ કરતા પોલીસે અકસ્માતે મોત અંગે નોંધ કરી આગળની કાર્યવાહી આદરી છે.