મોરબીના શકત શનાળા રાજપર રોડ ઉપર આવેલ મારૂતી શોરૂમના વર્કશોપની તિજોરો તોડી તસ્કરો રૂ.1.33 લાખ ઉસેડી ગયા અંગેનો બનાવ પ્રકાસમ આવ્યો છે. જેની પોલીસ ફરિયાદ નોંધાતા પોલીસે તસ્કરોને ઝડપી લેવા તપાસ હાથ ધરી છે.
બનાવની જાણવા મળતી વિગત મુજબ ગત તા.૨૪ ના રોજ મોરબીના શકત શનાળા રાજપર રોડ ઉપર આવેલ પરફેકટ મારૂતી શો રૂમના વર્કશોપને તસ્કરોએ નિશાન બનાવી શો રૂમમાંથી 1.33 લાખની ચોરી કરી ગયા હતા. અજાણ્યા આરોપીઓએ ફરીયાદીના મારૂતિ પરફેકટ શો રૂમના વર્કશોપની ઓફીસના દરવાજાના લોક તોડી ઓફીસમાં પ્રવેશ કરી તિજોરી તોડી તિજોરીમાં રાખેલ રોકડ. ૧,૩૩,૦૦૦ ની ચોરી કરીને ફરાર થઈ ગયા હતા.આ અંગે મોરબીના શકત શનાળા ગામે આવેલ નીતીનનગરમાં રહેતા દેવદીપસિંહ દશરથસિંહ ઝાલાએ અજાણ્યા શખ્સો સામે મોરબી સીટી એ ડિવિઝન પોલીસ મથકમાં ફરિયાદ નોંધાવી હતી ફરિયાદને પગલે પોલીસે આરોપીઓને ઝડપી લેવા વધુ તપાસ હાથ ધરી છે.
