મોરબી ટ્રક પાર્કિગમાં જામેલી જુગારની મહેફિલ પર પોલીસ ત્રાટકી : ચાર ટ્રક ડ્રાઇવર ઝડપાયા

મોરબીમા આવેલ ફર્ન હોટલની બાજુમાં ટ્રક પાર્કીગમા જુગારની મહેફિલ જામી હતી જેમાં પોલીસે રોન કાઢતા ચાર ટ્રક ડ્રાઇવર જુગાર રમતા રંગેહાથ ઝડપાયા હતા.

આ બનાવ અંગે મોરબી સીટી બી ડીવીઝન પોલીસ મથકેથી જાણવા મળતી વિગત અનુસાર મોરબીમા આવેલ ફર્ન હોટલની બાજુમાં ટ્રક પાર્કીગમા જાહેરમાં જુગાર રમતા જેલાજી બીજલજી ઠાકોર (ઉ.વ.૫૦), જામાજી મણાજી ઠાકોર (ઉ.વ.૪૦) દીનેશભાઇ વીશભાઇ રાવલ (ઉ.વ.૪૨) અંદરસંગ ચનુભા ઝાલા (ઉ.વ.૪૨)નામના ચાર ટ્રક ડ્રાઇવરને પોલીસે ઝડપી લીધા હતા. પોલીસે તમામના કબ્જામાંથી રોકડા રૂ.૧૨,૭૦૦ કબજે કરી આગળની કાર્યવાહી હાથ ધરી છે.