માળીયા મિયાણા પંથકમાંથી જામગરી બંદૂક સાથે એક ઝડપાયો

માળીયા મિયાણાના મચ્છુ નદીને કાંઠા વિસ્તારમાં આવેલ રહેણાંક મકાનમાંથી પોલીસે જામગરી બંદૂક સાથે એક શખ્સને ઝડપી લીધો છે.

મોરબી જિલ્લાના માળીયા ખાતે મચ્છુ નદીના કાંઠે આવેલા કબ્રસ્તાનની બાજુમા રહેણાંક મકાનમાં આરોપીના ઇંદ્રીશભાઇ અયુબભાઇ લધાણી (ઉ.વ -૪૨)ના કબ્જામાંથી પોલીસે બાતમીના આધારે ગેરકાયદે સિંગલ બેરલની જામગરી બંદુક ઝડપી લઈ કાયદેસરની કાર્યવાહી હાથ ધરી હતી.

આ કામગીરીમાં પીએસઆઇ એન.એચ.ચુડાસમા, હેડ કોન્સ્ટેબલ, ક્રિપાલસિંહ વનરાજસિંહ ચાવડા, વિશ્વરાજસિંહ પ્રવિણસિંહ ઝાલા, કોન્સ્ટેબલ સંજયભાઇ દિલિપભાઇ રાઠોડ, મહેન્દ્રસિંહ ચુડાસમા, જયપાલભાઇ લાવડીયા સહિતના હજાર રહ્યા હતા.