ઇન્ડીયન લાયન્સ ક્લબ મોરબી દ્વારા ઓપન મોરબી ગરબા હરીફાઈ યોજાઈ હતી જેમાં મોટી સંખ્યામાં બાળાઓએ ભાગ લીધો હતો. નવરાત્રીના અંતે દશેરાના દિવસે હરિફાઈનું આયોજન કરાયું હતું જેમાં બાળાઓએ ઉત્સાહભેર ભાગ લીધો હતો. તથા છેલા રાઉન્ડમાં ક્લબના સભ્યો વચ્ચે હરીફાઈ યોજાઇ હતી. સ્પર્ધામાં ત્રણ નંબર પ્રાપ્ત કરનાર સોનાની બુટી અને સોનાની ચૂક ઇનામમાં આપવામાં આપી હતી. તથા ભાગ લેનાર તમામ ૮૦ હરીફોને પ્રોત્સાહન ઈનામ ડેકોરેટીવ ગ્લાસ નંગ ૬ નો સેટ દરેક ને આપવામાં આવ્યો હતો તથા ક્લબના ભાગ લેનાર સભ્યોને પણ આ ગ્લાસ સેટ ભેટ આપવામાં આવ્યો હતો. તમામ ઇનામો અને નાસ્તાના સ્પોનસર ક્લબના સભ્ય અને ગુજરાત સ્ટેટ ઉપ પ્રમુખ ધીરુભાઈ સુરેલિયા રહ્યા હતા. કાર્યક્રમને સફળ બનાવવા ક્લબના પ્રમુખ ભાવેશભાઈ દોશી, ઉપ પ્રમુખ ઘનશ્યામભાઈ, સેક્રેટરી હર્ષદભાઈ ગામી, પ્રોજેક્ટ ચેરમેન વંદનાબેન જોશી, ધર્મિષ્ઠાબેન વ્યાસ સહિતનાઓએ જહેમત ઉઠાવી હતી.
