મોરબી તાલુકા પોલીસે માળીયા–મોરબી હાઇવે ઉપર આવેલ ભરતનગર ગામના પાટીયા પાસેથી ઇનોવા કારમાં 156 બોટલ ઈંગ્લીશ દારૂ ભરી ખેપ મારવા જતા આરોપીને કાર સહિતના મુદ્દામાલ સાથે ઝડપી લીધો હતો.
મોરબી તાલુકા પોલીસના સ્ટાફને દારૂ અંગે મળેલી બાતમીના આધારે પોલીસે માળીયા-મોરબી હાઇવે ઉપર આવેલ ભરતનગર ગામના પાટીયા પાસે ટોયોટા કંપનીની ઇનોવા કારને અટકાવી હતી. જેથી પરિસ્થિતિ પારખી કારચાલકે ચાલાકી વાપરી ભાગવાની કોશીશ કરતા પોલીસે આંતરી લઈ કારની તલાસી લેતા કારમાંથી ૧૫૬ બોટલ વિદેશી દારૂનો જથ્થો જેની કિ.રૂ .૫૮,૫૦૦ ઝડપાયો હતો આથી પોલીસે દારૂની બોટલ તથા ઇનોવા કાર રજી.નં. GJ-05-CJ-7448 કિં.રૂ .૩,૦૦,૦૦૦ મળી કુલ રૂ .૩,૫૮,૫૦૦નો મુદ્દામાલ કબ્જે કાર ચાલક આરોપી મહેન્દ્રભાઇ મનજીભાઇ સાલાણી (ઉ.વ .૨૩) , રહે.ભચાઉ , લાયન્સનગર પાસે જી.કચ્છ – ભુજવાળા સામે કાયદેસરની કાર્યવાહી હાથ ધરી હતી આ દારૂનો જથ્થો સુરેશભાઇ નથુભાઇ સાલાણી રહે. ભીમાસર (ભુટકીયા) તા.રાપર, જી.કચ્છ – ભુજવાળાએ મોકલ્યો હોવાનું ખુલતા પોલીસે આ આરોપીને ઝડપી લેવા તપાસનો ધમધમાટ શરૂ કર્યો છે.
