હળવદ નજીક નર્મદા કેનાલમાં અકસ્માતે પડી જતા વૃદ્ધનું મોત નીપજ્યું

હળવદ તાલુકાના હરિદર્શન હોટલ નજીક નર્મદા કેનાલમાં અકસ્માતે પડી જતા વૃદ્ધનું મોત નીપજ્યું હતું.

હળવદ તાલુકાના શંકરપરા સલીમભાઇ ઉસ્માનભાઇ લોલાડીયા નામના 50 વર્ષીય વૃદ્ધ નર્મદા કેનાલના પગથીયા ઉપર નહાવા માટે ગયા હતા આ દરમિયાન ન્હાતી વેળાએ પગથીયા ઉપરથી પગ લપસી પડતા અકસ્માતે નર્મદાની કેનાલમા પડી ગયા હતા જેમાં ધસમસતા પાણીમા ડુબી જતા તેઓનું મોત નીપજ્યું હોવાનું પોલીસ મથકમાં જાહેર થવા પામ્યું છે.