વિરમગામ રૂરલ પોલીસ સ્ટેશન વિસ્તાર ઈંગ્લીશ દારૂના ગુન્હાને અંજામ આપી છેલ્લા ચાર માસથી ફરાર આરોપી આજે મોરબી એલસીબી અને પેરોલ ફર્લો સ્કવોડની ટીમને ઝપટે ચડતા પોલીસે આરોપીને વાંકાનેર ખાતેથી પકડી પડ્યો હતો.
મોરબી એલસીબી અને પેરોલ ફર્લો સ્કવોડની બાતમી આધારે વિરમગામ રૂરલ પોલીસ સ્ટેશનના પ્રોહીબિશન કલમ ૬૫ ઇ , ૧૧૬ બી , ૮૧,૯૮ ( ૨ ) મુજબના વિદેશી દારૂના ગુન્હામાં સંડોવાયેલ અને ચાર માસથી નાસતા ફરતા આરોપી કિશનભાઇ બાબુભાઇ માલણ (ઉ.વ. ૨૯)રહે . વાંકાનેર, ભાટીયા સોસાયટી, ભુતનાથ મંદિરની બાજુમાં જી.મોરબીવાળાને વાંકાનેર ખાતેથી પકડી પાડી પડ્યો હતો. જેની આગળની કાર્યવાહી અર્થે વાંકાનેર સીટી પોલીસ સ્ટેશનને સોંપાયો હતો જેને લઈને પોલીસે વિરમગામ રૂરલ પોલીસ સ્ટેશનમાં જાણ કરવામાં સહિતની તજવીજ હાથ ધરી છે.
આમ દારૂના ગુન્હામા સંડોવાયેલ આરોપીને દબોચી લેવામાં એલસીબી અને પેરોલ ફર્લો સ્કવોડની ટીમને સફળતા મળી છે.
