મોરબી જિલ્લામાં અકસ્માતના બે બનાવોમાં બે બાઈક ચાલક સહિત ત્રણ ઘાયલ

મોરબી જિલ્લામાં હાઈવે પર અકસ્માતમાં બે બાઈક ચાલક ઇજાગ્રસ્ત થયાનુ જુદા જુદા પોલીસ મથકમાં જાહેર થયુ છે.

આ અંગેની પ્રાપ્ત વિગતો મુજબ પ્રથમ બનાવમાં વાંકાનેર અમરસર રોડ પરથી પસાર થતાં બાઈક ચાલક રોશનઅલી મહમદભાઈ શેરસીયા પોતાના બાઇક પર જતા હતા તે દરમ્યાન સામેથી આવતા ડમ્પર નં. GJ 13 AW 7717 ના ચાલકે પુરઝડપે ચલાવી બાઈકને હડફેટે લેતા ચાલકને પગમાં તથા સાથળના બાગે ઈજા થતા વાંકાનેર પોલીસ મથકમાં ગુનો નોંધાયો છે. તેમજ અકસ્માત બાદ નાસી છુટેલા ડમ્પર ચાલકને ઝડપી લેવા તજવીજ હાથ ધરી હતી.

બીજા બનાવમાં મોરબી બાયપાસ રોડ ધરમપુર ગામ ચોકડી પાસેથી અબબાસભાઈ જુસબભાઈ સંધવાણી અને અસલમભાઇ પોતાના બાઈક પર જતા હતા ત્યારે સામેથી આવતા ટ્રક નં. GJ 02 ZZ 7541ના ચાલકે અચાનક ટર્ન લેતા બન્નેને ઇજા થતા ટ્રક ચાલક સામે ગુનો નોંધાયો હતો.