મોરબી નજીકના મેઘપર ગામે આવેલ એક ખેતરમાં કોઈ જનેતા પોતાનું પાપ છુપાવી ભાગી ગઈ હતી આ અંગે મેઘપર ગામના સરપંચને જાણ થતાં તપાસમાં ખેતરમાંથી કોથળામાં વીંટળાયેલ નવજાત બાળકી મળી આવી હતી. જેની સારવાર અર્થે તાત્કાલિક હોસ્પિટલ ખસેડવામાં આવી હતી.
મોરબી પાસે આવેલા માળીયા નજીકના મેઘપર ગામના એક ખેતરમાંથી કોથળામાંથી બિનવારસુ હાલતમાંથી નવજાત બાળકી મળી આવતા ચકચાર મચી ગઇ હતી. જે અંગે મેઘપર ગામના સરપંચને જાણ થતા જ તાત્કાલિક સારવાર માટે નજીકના દવાખાને દાખલ કરવામાં આવ્યું હતું. ત્યારબાદ પોલીસને નવજાત અંગે માહિતી આપવામાં આવતા પોલીસ પણ તાત્કાલિક ઘટનાસ્થળે દોડી ગઈ હતી. અને પોલીસ ટીમે બાળકીના માતા પિતાને શોધવા માટે તપાસના ચક્રો ગતિમાન કર્યા છે. તેમજ વધુ સારવાર અર્થે મહેન્દ્રનગર 108ની ટીમેં દવાખાને પહોંચી બાળકીને લઈને મોરબી હોસ્પિટલ ખાતે ખસેડવામાં આવી હતી હાલ બાળકી સ્વસ્થ હોવાનું ડોકટરે જણાવ્યું છે.
