મોરબી જિલ્લાના દરેક પોલીસ સ્ટેશન માં હાલ માં ગ્રામ રક્ષક દળ અને સાગર રક્ષક દળમાં 446 જેટલી જગ્યાઓ ખાલી પડી હોય જેને અનુસંધાને મોરબી જિલ્લા પોલીસ દ્વારા ભરતીની જાહેરાત બહાર પાડવામાં આવી હતી. જેને પગલે અનેક ઇચ્છુક લોકોએ આ ભરતીમાં રસ દાખવી ને ઉમેદવારી નોંધાવી હતી જેની હવે તારીખ 27/11 અને 28/11 એમ બે દિવસ શારીરિક કસોટી લેવામાં આવશે .
જેમાં માળીયા પોલીસ સ્ટેશનમાં ફોર્મ ભરેલ ઉમેદવારો નો સમય તારીખ 27/11/2021 ના રોજ સવાર 8:00 વાગ્યે તેમજ ટંકારા પોલીસ સ્ટેશન માં ફોર્મ ભરેલ ઉમેદવારો નો સમય 11:30 વાગ્યે અને વાંકાનેર તાલુકા પોલીસ સ્ટેશનમાં ફોર્મ ભરેલ ઉમેદવારો માટે સાંજે 4:00 વાગ્યા નો સમય નક્કી કરવામાં આવ્યો છે. અને બીજે દિવસે તારીખ 28/11/2021 ના રોજ હળવદ પોલીસ સ્ટેશન માં ફોર્મ ભરેલ ઉમેદવારો એ સવારે 8:00 વાગ્યે તથા મોરબી તાલુકા પોલીસ સ્ટેશનમાં ફોર્મ ભરેલ ઉમેદવારો એ બપોરે 3:00 વાગ્યાનો સમય નક્કી કરવામાં આવ્યો છે. વધુમાં તમામ નોંધાયેલા ઉમેદવારો એ જે-તે પોલીસ સ્ટેશન માંથી ફોર્મ ભર્યુ હોય તે પોલીસ સ્ટેશન ને ફાળવેલ સમય મુજબ મોરબી સીટી એ ડિવિઝન પોલીસ સ્ટેશન સામે,પોલીસ પરેડ ગ્રાઉન્ડ ,જેલ રોડ ખાતે હાજર રહેવું.એમ મોરબી જિલ્લા પોલીસ ની યાદી માં જણાવવામાં આવ્યું છે.
