માળીયા મિયાણા તાલુકાના મોટા દહીસરા ગામે બેકાબુ ટ્રકે ઠોકર મારતાં યુવાનને ગંભીર ઇજા

માળીયા મિયાણા તાલુકાના મોટા દહીસરા ગામ પાસે આવેલ રેલ્વે ફાટક નજીક બેફામ સ્પીડે આવતા ટ્રકે મોટા દહીસારા ગામના યુવાનને અડફેટે લેતા અકસ્માત સર્જાયો હતો. જેમાં યુવાનને ગંભીર ઇજા પહોંચી હતી.

મોટા દહીસરા ગામ પાસે આવેલ રેલ્વે ફાટક પાસે ટ્રક રજિસ્ટ્રેશન નં.GJ 32 T 9204ના ચાલકે પુર ઝડપે ગાડી ચલાવી સ્ટેરિંગ પરનો કાબૂ ગુમાવી દેતા રોડ પરથી પસાર થતા માલદેવભાઇ ઉર્ફે માલો મેરૂભાઇ મકવાણા (ઉ.વ.૨૦) ને ઠોકર મારી હતી. અકસ્માત બાદ ટ્રક ચાલક ટ્રક મૂકીને નાશી છૂટ્યો હતો જ્યારે આ બનાવમાં યુવાનને બન્ને પગમાં ફેક્ચર સહિતની ઇજા પહોચતા અજાણ્યાં ટ્રક ચાલક વિરુદ્ધ માળીયા મિયાણા પોલીસ મથકમાં ફરિયાદ દાખલ કરવામાં આવી છે જેને લઈને પોલીસે પણ તપાસ હાથ ધરી છે.