મોરબી જિલ્લામાં બેફામ દારૂ ઢીંચી કાર, બાઈક લઈને નીકળેલ અને જાહેરમાં બકવાસ કરતા શખ્સો સહિત સાત ઇસમોને પોલીસે પકડી પાડી કાયદાના પાઠ ભણાવ્યા હતા.
પોલીસ મથકે નોંધાયેલ વિગત મુજબ મોરબી સીટી બી ડિવિઝન પોલીસે મોરબીના માળીયા ફાટક પાસેથી દારૂ પી જ્યુપીટર બાઈક જેના રજી.નં.જી.જે.-૦૩-એલ.સી.-૬૧૮૭ કી.રૂ.-૧૦,૦૦૦/-વાળુ લઈ બીજાની જીંદગી જોખમાય તે રીતે ચલાવી નીકળેલ આરોપી આરીફભાઈ રઝાકભાઈ શેખ (ઉ.વ.૨૬) ને ઝડપી લીધો હતો.આ ઉપરાંત ત્રાજપર જુના ઘુટું રોડ ત્રાજપર ખારીમાં જવાના નાકા પાસેથી દારુ પીધેલી હાલતમાં બાઈક લઈ નીકળેલ કૈલાશભાઇ જશમતભાઇ તરવાડીયા (ઉ.વ.૩૦)ને પોલીસે ઝડપી લીધો હતો.
મોરબી શહેરના મહારાણાપ્રતાપ સર્કલ પાસેથી કેફી પ્રવાહી પીધેલી હલતમાં બાઈક લઈ નીકળેલ તુલસીભાઇ પુરનદાસ દુધરેજીયા જાતે બાવાજી (ઉ.વ.૩૫)ને ઝડપી લીધો હતો. વધુમાં સીટી એ ડિવિઝન પોલીસે મોરબીના મકરાણીવાસ બ્રાહ્મણની ભોજન શાળા પાસેથી દારૂનો નાશો કરી બેફામ વાણી વિલાસ કરતા શખ્સ અશરફશા નથુશા શાહમદાર (ઉ.વ.૪૨)ને ઝડપી લીધો હતો.
ટંકારા પોલીસે તાલુકાના મિતાણા ચોકડી નજીકથી દારૂ ઢીંચી નીકળેલ ઇકો રજીસ્ટર નંબર- જી.જે.૩૬.બી ૬૬૦૮ના ચાલક વિજયભાઇ કરમશીભાઇ ગોહીલ (ઉ.વ.૨૬)ને ઝડપી લીધો હતો. આ ઉપરાંત વાંકાનેર તાલુકા પોલીસે ડમડમ હાલતમાં બાઈક લઇ નીકળેલ આરોપી રાજેશભાઇ ઉર્ફે રાજુભાઇ ધીરૂભાઇ વાજેલીયા (ઉ.વ-૨૫)ને દબોચી લીધો હતો તથા વાંકાનેર સીટી પોલીસે વાંકાનેરના શકિતપરા વિસ્તરમાંથી દારૂનો નશો કરી ભાન ભૂલેલી હાલતમાં નીકળેલ અને બકવાસ કરતા બકાભાઇ વજાભાઇ સિંધવ (ઉ.વ-૩૬) સહિતના સાત શખ્સોને ઝડપી લઈ તમામ વિરુદ્ધ કાયદેશરની કાર્યવાહી હાથ ધરી હતી.
