લાયન્સ ક્લબ ઓફ મોરબી નઝરબાગ દ્વારા મહિલાઓને વિનામૂલ્યે સેનેટરી નેપકીન વિતરણ કરાયું

લાયન્સ ક્લબ ઓફ મોરબી નઝરબાગ દ્વારા વિનામૂલ્યે મહિલાઓને સેનેટરી નેપકીન વિતરણ પ્રોજેક્ટ હાથ ધરવામાં આવ્યો હતો. તેમજ સેનેટરી પેડ અંગે માહિતી પત્રિકાની વિતરણ કરાઇ હતી.

લાયન્સ ક્લબ ઓફ મોરબી નઝરબાગ દ્વારા સવારે ૭ થી ૯ મોરબીમાં સરદાર બાગ સામે શનાળા રોડ પર ભરાતી જાહેર શાકમાર્કેટની તમામ મહિલાઓને એક કદમ મહિલાઓની સુરક્ષા તરફ પ્રોજેક્ટ અંતર્ગત સેનેટરી નેપકીનનું જાહેરમાં વિતરણ કરવામાં આવ્યું હતું. તેમજ ક્લબની મહિલાઓ દ્વારા મહિલાઓને માસિક ધર્મ અંગે માહિતી આપી જાગૃત કરવામાં આવેલ હતી. સાથે સેનેટરી નેપકીનના લાભ-ગેરલાભ અંગેની પત્રિકા પણ આપેલ હતી. આ પ્રોજેક્ટમા લાયન્સ મેમ્બર્સ સાથે તેમના પત્નીઓ અને મોરબીની યુવા આર્મી ગ્રુપની બહેનો દ્વારા સેવા આપવામાં આવી હતી.