મોરબીના નાની વાવડી ગામે રિક્ષાની ઠોકરે યુવાન ઘવાયો

મોરબી તાલુકાના નાની વાવડી ગામે આવેલ બગથળા રોડના સરદાર પટેલ ક્રિકેટ ગ્રાઉન્ડ પાસેથી પસાર થઇ રહેલા પૃથ્વીરાજસિંહ ગજેન્દ્રસિંહ ઝાલા નામના 24 વર્ષીય યુવાનને રિક્ષાએ ઠોકર મારતા અકસ્માત સર્જાયો હતો. રીક્ષા નં. GJ 03 AU ૪૭૨૩ના ચાલકે આડેધડ રીક્ષા ચલાવી પૃથ્વીરાજસિંહને અડફેટે લેતા સર્જાયેલા અકસ્માતમાં પૃથ્વીરાજસિંહને માથાના ભાગે તથા શરીરે સામાન્ય ઈજા થઇ હતી. અકસ્માત નિપજાવી ચાલક ભાગી છુટતા ઇજાગ્રસ્ત પૃથ્વીરાજસિંહે મોરબી તાલુકા પોલીસ મથકમાં રીક્ષા ચાલક વિરુદ્ધ ફરિયાદ નોંધાવી છે.