વાંકાનેરના રાતાવીરડા ગામે સીરામીક કારખાનામાં લોડરની ઠોકરે કચડાયેલા શ્રમિકનું મોત

વાંકાનેરના સરતાનપર રોડ પર આવેલ રાતાવીરડા ગામેં સીરામીકના કારખાનામાં લોડર ચાલકે આડેધડ લોડરને રીવર્સ લઈ બાજુમાં કામ કરતા શ્રમિક ને અટફેટે લેતા અકસ્માત સર્જાયો હતો જેમાં શ્રમિકનું મોત નીપજ્યું હોવાનું સામે આવ્યું છે.

રાતાવીરડા ગામેં લોસેરો સીરામીકમાં લોડર ટ્રેક્ટર રજી.નં.જીજે-૩૬-એસ-૨૯૬૭ ના ચાલક ભેરૂસીંગ વેસ્તા ચૌહાણે (રહે.પીઠાનપુર જી.અલીરાજપુર) પોતાનું વાહન પાછળ જોયા વગર અચાનક સ્પીડમાં રીવર્સ લેતા વિક્રમ ગોરાઇ નામના શ્રમિકને અડફેટે લીધો હતો જેમાં તેને ગંભીર ઇજા પહોંચતા કમકમાટીભર્યું મોત નીપજ્યું હતું. આ અકસ્માત અંગે વિનોદભાઇ રામજીભાઇ ચારોલાએ લોડર ચાલક વિરુદ્ધ વાંકાનેર તાલુકા પોલીસ મથકમાં ફરિયાદ નોંધાવતા પોલીસે એમ.વી.એકટ ૧૭૭,૧૮૪ હેઠળ ગુન્હો નોંધી તપાસ હાથ ધરી છે.