હળવદના ઘનશ્યામગઢ ગામે ઝેરી દવા પી આદિવાસી શ્રમિકનો આપઘાત

મોરબી જિલ્લામાં અપમૃત્યુનો એક કેસ નોંધાયો છે જેમાં ઘનશ્યામગઢ ગામેં રહેતા આદિવાસી યુવાને અગમ્ય કારણોસર ઝેરી દવા પી આપઘાત કરી લેધાનું સામે આવ્યું છે.

અપમૃત્યુને કેસની જાણવા મળતી વિગત અનુસાર હળવદ તાલુકાના ઘનશ્યામગઢ ગામે આવેલ જીતુભાઈ પટેલની વાડીએ રહેતા ખાજરભાઈ પીંગલાભાઈ જામસીંગભાઈ બારીયાએ વાડીએ કોઈ અગમ્ય કારણેાસર પોતાની જાતે ઝેરી દવા પી આપઘાતનો પ્રયાસ કરી લીધો હતો. જે અંગે જાણ થતા ગંભીર હાલતમાં તાત્કાલિક સારવાર અર્થે મોરબી સરકારી હેાસ્પીટલમાં ખસેડાયા હતા જ્યા ફરજ પરના તબીબે મૃત જાહેર કરતા પોલીસે વધુ તપાસ હાથ ધરી છે.