વાંકાનેરની સિપાઈ શેરીમાં રહેતા યુવાનને ચાર વર્ષ અગાઉ ભરવાડ શખ્સ સાથે માથાકૂટ થઈ હતી જેનો ખાર રાખી બે ઈસમોએ યુવાનને માર મારી પગ ભાંગી નખ્યાં હતા આ બનાવ અંગે વાંકાનેર સીટી પોલીસ મથકમાં ફરિયાદ નોંધાતા પોલીસે કાર્યવાહી હાથ ધરી છે.
આ બનાવ અંગે વાંકાનેર સીટી પોલીસ મથકેથી જાણવા મળતી વિગત અનુસાર હસનભાઇ ઈશાભાઇ જીંદાણી (ઉ.વ.૩૨ને રહે.વાંકાનેર સીપાઇશેરી જી-મોરબી) ચારેક વર્ષ પહેલા રણછોડભાઇ ભરવાડ સાથે ઝઘડો થયો હતો જેનું વેર વળવા તેના કુટુમ્બી ભાઇઓ આરોપી ઘનશ્યામ ઉર્ફે ઘનો મોનાભાઇ ભરવાડ અને અનીલ બુટાભાઇ લામકા (રહે.વાંકાનેર ભરવાડ પરા) એ વાંકાનેર પુલ દરવાજા ચોક નજીક હસનભાઇ જીંદાણી પર લોખંડના કેરીયર વડે હુમલો કર્યો હતો. જેને પગલે યુવાનને માથામા તથા જમણા હાથમા અને બંને પગમા ફેકચર જેવી ઈજા પહોંચી હતી.
આ બનાવ અંગે હસનભાઇએ વાંકાનેર સીટી પોલીસ મથકમાં બને આરોપીઓ વિરૂદ્ધ ફરિયાદ નોંધાવતા પોલીસે આઇ.પી.સી. કલમ-૩૨૩,૩૨૪,૩૨૫,૫૦૪,૫૦૬(૨),૧૧૪ તથા જી.પી.એકટ કલમ-૧૩૫ મુજબ ગુન્હો નોંધી તપાસ હાથ ધરી છે.
