મોરબી તાલુકાના પાવડિયારી થી માળીયા હાઇવે તરફ જતી કેનાલ મા કેરાળા ગામની સીમમાં થી ખાલી કેનાલમાં ગત તા ૨૯ ના રોજ સવારે ૧૦:૪૫ વાગ્યા આસપાસ આશરે ૨૫ થી ૩૦ વર્ષની ઉંમરની અજાણી સ્ત્રીની લાશ મળી આવી હતી જેથી પોલીસે મૃતદેહનો કબ્જો સંભાળી ફોરેન્સિક પીએમ અર્થે ખસેડયો હતો જેથી પીએમ રિપોર્ટમાં ઘટસ્ફોટ થયો હતો કે આ મહિલાને અજાણ્યા ઇસમ દ્વારા માથાના ભાગે બોથડ પદાર્થનો ઘા મારતા અને ગળું દબાવી ગળામાં પણ તીક્ષ્ણ હથિયારનો ઘા મારતા તેનું મોત નિપજ્યું હોવાનો ઘટસ્ફોટ થયો છે જેથી મોરબી તાલુકા પોલીસ દ્વારા હત્યા અંગે ગુનો દાખલ કરી હત્યા નિપજાવનાર અજાણ્યો ઇસમ અને મૃતક મહિલાના વાલી વારસની શોધખોળ હાથ ધરી છે.
મૃતક મહિલાની ઓળખમાં મૃતક મહિલાના હાથના બાવડા ઉપર હિન્દીમાં ‘‘ રમસૂભાઇ ’’ તથા ‘‘ અનીતાબેન ’’ ત્રોફાવેલ છે. જેથી મૃતક મહિલાને કોઈ ઓળખતું હોય તો મોરબી તાલુકા પોલીસ સ્ટેશનના ફોન નં.
૦૨૮૨૨-૨૪૨૫૯૨ ઉપર જાણ કરવા મોરબી તાલુકા પોલીસ મથકના પીઆઇ વિરલ પટેલ દ્વારા જણાવાયું છે.
