મોરબીની લોકલ ક્રાઇમ બ્રાન્ચની પેરોલ ફર્લો સ્કવોડની ટીમે આજે બાતમીના આધારે સુરેન્દ્રનગર જિલ્લાના બજાણા (માલવણ) પોલીસ મથકમાં નોંધાયેલા પ્રોહીબીશન દારૂના ગુનામાં પાંચ માસથી નાસતો ફરતો આરોપીને ઝડપી લીધો હતો અને આ આરોપીને સુરેન્દ્રનગર પોલીસને હવાલે કરવા તજવીજ હાથ ધરેલ છે.
મોરબી એલ.સી.બીના પોલીસ ઇન્સ્પેકટર એમ.આર.ગોઢાણીયા, પીએસઆઇ એન.બી.ડાભી તથા એન.એચ.ચુડાસમાના માર્ગદર્શન હેઠળ એલ.સી.બી/પેરોલ ફર્લો સ્કવોડ મોરબી જીલ્લાના નાસતા ફરતા આરોપીને શોધી કાઢવા પ્રયત્નશીલ હોય તે દરમ્યાન પેરોલ ફર્લો સ્કોડના સ્ટાફને ખાનગી રાહે મળેલ બાતમીના આધારે સુરેન્દ્રનગર જિલ્લાના બજાણા (માલવણ) પોલીસ મથકના દારૂના ગુન્હામાં નાસતા ફરતા આરોપી સાજિદ ઉર્ફે સિરાજ કાદરભાઇ લધાણી (ઉ.વ.૨૧ રહે.મોરબી મહેન્દ્રપરા-૧૪ પંચાસર રોડ,હાલ રહે. વીસીપરા કેશવાનંદબાપુના મંદિર પાસે, ભાડથી તા.જી.મોરબી) ને આજે મોરબી વીસીપરા પાસેથી પકડી પાડી હસ્તગત કરી આગળની કાર્યવાહી અર્થે બજાણા (માલવણ) પોલીસ સ્ટેશનને સોંપી આપવા તજવીજ હાથ ધરી હતી.
