મોરબી- જામનગરના છ જેટલા ગુનામાં વોન્ટેડ અપરાધી મોરબીમાંથી ઝડપાયો

મોરબી: મોરબી તાલુકા પોલીસ મથક અને જામનગર સીટી બી ડીવીઝન પોલીસ મથકના છ જેટલા ગુના માં છેલ્લા સાતેક મહીનાથી નાસતો ફરતા આરોપીને મોરબી સીટી એ ડિવિઝન પોલીસે ઝડપી લીધો હતો.

મોરબી જીલ્લા પોલીસ અધિક્ષક રાહુલ ત્રિપાઠીની સુચના તેમજ મદદનીશ પોલીસ અધિક્ષક મોરબી ડીવીજન મોરબીના અતુલકુમાર બંસલના માર્ગદર્શન હેઠળ તેમજ એ ડિવિઝન પીઆઈ એમ.પી.પંડયાની સુચના મુજબ સર્વેલન્સ સ્ટાફ પેટ્રોલીગમા હોય તે દરમ્યાન બાતમી ને આધારે મોરબી તાલુકા પોલીસ મથકમા છેલ્લા બે માસથી નાસતો ફરતો તેમજ જામનગર સીટી બી ડીવીઝન પોલીસ મથકના દારૂ અંગેના અલગ અલગ પાંચ ગુન્હાઓમા છેલ્લા સાતેક મહીનાથી નાસતો ફરતો આરોપી રૂષીરાજસિંહ અનિરૂધ્ધસિંહ જાડેજા (ઉ.વ.૨૭ રહે.મોરબી વાવડીરોડ સોમૈયા સોસાયટી) વાળાને ઝડપી પાડી મોરબી તાલુકા પોલીસને સોંપવામાં આવ્યો હતો જેથી મોરબી તાલુકા પોલીસે આગળની કાર્યવાહી હાથ ધરી છે.