હળવદ જીઆઇડીસીમા વેલ્ડીંગનુ કામ કરતી વખતે ઇલેક્ટ્રિક શોર્ટથી યુવાનનું મોત

મોરબી: હળવદના જી.આઇ.ડી.સી. મા આવેલ સીવમ સોલ્ટ કારખાનામા વેલ્ડીંગનુ કામ કરતી વખતે અચાનક ઇલેક્ટ્રિક શોર્ટથી યુવાનનું મોત નીપજ્યું હતું. જેમાં સુરેશભાઇ ભીખાભાઇ મકવાણા (ઉ.વ.૨૦ રહે. હળવદ જી.આઇ.ડી.સી મુળ રહે.ઉમીયા તા.રાપર જી.કચ્છ, ભુજ) વાળો ગઈકાલે હળવદ જીઆઇડીસીમાં આવેલ સીવમ સોલ્ટ કારખાનામા વેલ્ડીંગનુ કામ કરતો હતો. તે વખતે અચાનક ઇલેક્ટ્રિક શોર્ટ લાગતા તેનું મોત નીપજ્યું હતું. હળવદ પોલીસે આ બનાવની નોંધ કરી આગળની તપાસ હાથ ધરેલ છે.