મોરબી તાલુકાના માનસર ગામની સીમમાં ધમધમતી દેશી દારૂની ભઠ્ઠી પર મોરબી તાલુકા પોલીસે દરોડો પાડી બે આરોપીને ઝડપી પાડયા છે.
મળતી માહિતી અનુસાર, મોરબી તાલુકા પોલીસ સ્ટેશનનો સ્ટાફ ગત રોજ પેટ્રોલિંગમાં હતો. ત્યારે તેઓને ચોક્કસ બાતમી મળી હતી કે, મોરબી તાલુકાના માનસર ગામની સીમમાં માનસર-નારણકા વચ્ચે નદીવાળા ખેતરના સેઢે વોંકળાના કાંઠે એક દારૂની ભઠ્ઠી ધમધમી રહી છે. જે હકીકતના આધારે રેડ કરતા પોલીસે સ્થળ પરથી દેશી દારૂ બનાવવાની ભઠ્ઠીને લગત સાધનો જેમાં એક પતરાનુ, બે બેરલ ભેગા કરેલ મોટુ બેરલ, એક લોખંડ તથા પ્લા.ની જોઇન્ટ કરેલ નળી, આશરે ૨૦૦ લીટર ક્ષમતાવાળા પ્લાસ્ટીકના પાંચ બેરલ, ૧૦૦૦ લીટરનો દેશીદારૂ બનાવવાનો આથો તથા ૦૫ પ્લા.ના બાચકામાં દેશીદારૂ મળી કુલ રૂ.૮,૨૦૦/- ના મુદ્દામાલ સાથે પ્રવિણ રતિલાલભાઇ સુરેલા અને ઇકબાલ કાદરભાઇ જામ નામના બે શખ્સોને ઝડપી પાડી કાર્યવાહી હાથ ધરી હતી.
