વાંકાનેરનાં કાછીયાગાળા ગામે એવીન કારખાના પાસે રોડ ઉપર ચાલીને જતા ૩૫ વર્ષીય યુવકને પાછળથી પુરપાટ ઝડપે જતી બાઈકે હડફેટે લેતા યુવકનું ઘટનાસ્થળે જ કમકમાટી ભર્યું મોત નીપજ્યું હતું. જેને ઘટનાને લઈ વાંકાનેર તાલુકા પોલીસ સ્ટેશનમાં ફરિયાદ નોંધાઈ છે.
મળતી માહિતી અનુસાર, મોરબી જિલ્લાના વાંકાનેર તાલુકાનાં કાછીયાગાળા ગામે રહેતા હેમુભાઇ મનજીભાઇ માલકીયા નામના ૩૫ વર્ષીય યુવક કાછીયાગાળા ગામે આવેલ એવીન કારખાના પાસે રોડ ઉપર ચાલીને જતા હતા. તે સમયે પુરપાટ ઝડપે આવતી GJ-36-J-4855 નંબરની હીરો સ્પ્લેન્ડર બાઈકના ચાલકે પાછળથી આવી યુવકને હડફેટે લેતા તેને માંથાના પાછળના ભાગે ગંભીર ઇજાઓ પહોંચી હતી. જેને લઈ તેનું ઘટનસ્થળે જ કમકમાટી ભર્યું મોત નીપજ્યું હતું. જેને લઈ માલકીયા પરિવારમાં શોકનું મોજું ફરીવળ્યું છે. તેમજ મૃતકના ભાઈ દેવશીભાઇ મનજીભાઇ માલકીયા દ્વારા સમગ્ર મામલે વાંકાનેર તાલુકા પોલીસ સ્ટેશનમાં ફરિયાદ નોંધાવી છે. ત્યારે વાંકાનેર તાલુકા પોલીસે આઇ પી સી કલમ ૨૭૯,૩૦૪(અ) એમ વી એક્ટ-૧૭૭,૧૮૪ મુજબ ગુનો નોંધી આરોપીઓને પકડવા ચક્રો ગતિમાન કર્યા છે.
