મોરબીમાં છેલ્લા કેટલાક સમયથી ચાર્જમાં ચાલી રહેલી અને અમુક બદલીઓ થયેલી જગ્યાઓ પર થાણા ઇન્ચાર્જ અને પોસ્ટીગ નાં આદેશ એસપી રાહુલ ત્રિપાઠી દ્વારા કરવામાં આવ્યા છે.
મોરબીમાં મોરબી તાલુકા પીઆઈ નાં ઇન્ચાર્જ તરીકે રાજકોટથી આવેલા કે એચ વાળા ને ચાર્જ અપાયો છે જ્યારે મોરબી સીપીઆઈ પી એચ લખધિરકા ને મહિલા પોલીસ મથકમાં પીઆઈ તરીકે નિમણૂક કરાઈ છે જ્યારે મોરબીના નવા સીપીઆઈ તરીકે લીવ રિઝર્વ માં રહેલા એન એ વસાવા ને નિમણુક આપવામાં આવી છે તો મોરબી જિલ્લા ટ્રાફિક પીઆઈ વી બી જાડેજા નાં પ્રમોશન બાદ ચાર્જમાં લાંબા સમયથી રહેલી જગ્યા પર નવા બદલી થઈને આવેલા પીઆઈ બી ડી સોલંકીની નિમણુક કરાઈ છે આં ઉપરાંત માળીયા પીએસઆંઈ બી ડી જાડેજાની વડોદરા પીટીસી બદલી થતાં માળીયા મી.પોલીસ મથકનો ચાર્જ પીએસઆઈ વી જે જેઠવા ને આપવામાં આવ્યો છે જ્યારે ટંકારા પીએસઆઈ બી ડી પરમાર ની રાજકોટ ગ્રામ્ય માં બદલી થતાં ટંકારા નો ચાર્જ નવા આવેલા એચ આર હેરભા ને આપવામાં આવ્યો છે.
ઉલ્લેખનીય છે કે મોરબી એસઓજી,મોરબી એલસીબી સહિત અનેક મહત્વના પોલીસ મથકમાં હજુ જગ્યાઓ ખાલી છે ત્યારે અનેક નવા પીઆઈ અને પીએસઆઈ અન્ય જીલ્લાઓ માંથી મોરબી જીલ્લામાં બદલી પામીને આવેલા છે અને મોરબીમાં થી પણ બદલી પામીને છુટા થયેલા છે જેથી આગામી સમયમાં પણ અન્ય પોલીસ મથકોમાં પણ પીઆઇ અને પીએસઆઈ કક્ષા ના નિમણુક નાં આદેશો કરવામાં આવે તેવી પ્રબળ શક્યતાઓ સેવાઇ રહી છે.
