ગુજરાતમાં વિધાનસભાની ચૂંટણીને ધ્યાને રાખીને ભાજપ એક્શન મોડમાં આવી ગયું છે. ભાજપ દ્વારા ગૌરવ યાત્રાનો પ્રારંભ કરવામાં આવ્યો છે. જે યાત્રા આજે થોડી જ કલાકોમાં હળવદ પહોંચવાની હતી. જેને લઈ તૈયારીમાં લાગેલ ભાજપનાં ધારાસભ્યની કારનો રીક્ષા સાથે અકસ્માત સર્જાયો છે.
મળતી માહિતી અનુસાર, ભાજપની ગૌરવ યાત્રા આજે થોડી જ કલાકોમાં હળવદ પહોંચવાની હોવાથી અને ત્યાં જ રાત્રી રોકાણ કરવાની હોવાથી તેની તૈયારીઓની સમીક્ષા કરવા હળવદ ધાંગધ્રાના ધારાસભ્ય પરસોત્તમ સાબરીયા હળવદ જય રહ્યા હતા. જે દરમિયાન હળવદ વેગડવા રોડ પર તેમની કારને અકસ્માત નડ્યો છે. ધારાસભ્યની કારનો રીક્ષા સાથે અકસ્માત સર્જાયો છે. જેમાં એક મહિલા અને એક પુરુષ ઈજાગ્રસ્ત થયા છે. તેમજ મહિલા વધુ ઈજાગ્રસ્ત જણાતા તેને તાત્કાલિક સારવાર અર્થે ખસેડવામાં આવી છે. ત્યારે ઉલ્લેખનીય છે કે, ધારાસભ્ય ખુદ તેમની કાર ચલાવતા હતા. તે દરમિયાન અકસ્માત સર્જાયો છે.
