મોરબી ધક્કાવાળી મેલડી માં ના આશીર્વાદ મેળવી ચૂંટણી પ્રચારની શરૂઆત કરતા કોંગ્રેસ ઉમેદવાર:કાલે નોંધાવશે ઉમેદવારી

મોરબી માળીયા બેઠક પર કોંગ્રેસ ના ઉમેદવારના નામની જાહેરાત કરવામાં આવી છે અને ભારે સસ્પેસ બાદ કોંગ્રેસ ઉમેદવાર તરીકે જયંતીભાઈ પટેલ ના નામની જાહેરાત કરવામાં આવી છે.

જેમાં મોડી સાંજે મોરબી માળીયા બેઠક ના ઉમેદવારના નામ ની જાહેરાત થતા જ કોંગ્રેસ ઉમેદવાર તરીકે જાહેર થયેલ જયંતીભાઈ જેરાજભાઈ પટેલ સૌ પ્રથમ મોરબીવાસીઓના આસ્થાનું પ્રતીક એવા શ્રી ધક્કાવાળી મેલડી માતાજીના દર્શનાર્થે પહોંચ્યા હતાં અને ધક્કાવાળી મેલડી માંના આશીર્વાદ પ્રાપ્ત કરી અને ચૂંટણી પ્રચારની વિધિવત શરૂઆત કરી હતી.તેમજ કોંગ્રેસ ઉમેદવાર જયંતિભાઈ પટેલ આવતીકાલે સવારે ૧૦:૦૦ વાગ્યે શનાળા રોડ પર કોંગ્રેસ કાર્યાલય ખાતેથી પોતાના સમર્થકો સાથે મોરબી તાલુકા સેવા સદન ખાતે પહોંચી ને ઉમેદવારી નોંધાવશે.