ટંકારા શહેરના ઉગમણા નાકે બનાવવામાં આવેલ પ્રવેશદ્વાર આજે અચાનક તૂટી પડ્યો હતો. જો કે આ દુર્ઘટનામાં સદભાગ્યે કોઈ જાનહાની થઈ ન હતી પસાર થતી સ્કૂલ બસ પણ સેકંડો ની ગણતરીમાં આબાદ બચી હતી.
પ્રાપ્ત વિગતો અનુસાર, ટંકારા શહેરના ઉગમણા નાકે પ્રવેશદ્વાર આવેલો છે. જેનું પ્રગતિ ગુપ ટંકારા દ્વારા પ્રાઈવેટ બનાવ્યો હતો. જે સ્નેહીજનોના સંભારણા રૂપે એક વર્ષ પહેલા જ તૈયાર થયો હતો. પરંતુ આજે બપોરના સમયે આ પ્રવેશદ્વાર અચાનક જ તૂટી પડ્યો હતો. જેના કારણે સ્થળ પર અફરાતફરી મચી જવા પામી હતી. જો કે સદભાગ્યે દુર્ઘટના સમયે કોઈ વાહન કે લોકોની અવરજવર ન હોવાથી કોઈ જાનહાની સર્જાઈ ન હતી. તેમજ બનાવને પગલે ટંકારા પોલીસ પંચાયત અને સામાજિક કાર્યકર દોડી આવ્યા હતા. ત્યારે ઉલ્લેખનીય છે કે, વિદ્યાર્થીઓને લઈને જતી સ્કૂલ બસ અને ગેટ ધરાશાયી થવાની ઘટનાને માત્ર ૨૦-૩૦ સેકન્ડનો ફેર પડતા મોટી જાનહાનિ ટળી હતી.
