વાંકાનેરમાં મારામારીની વધુ એક ઘટના સામે આવી છે. જેમાં ખરાબામાં યુવકની ભેંસો ચરવા વઇ જતા એક ઈસમે યુવક સાથે બોલાચાલી કરી ગાળો ભાંડી લાકડી વડે માર માર્યો હતો. ત્યારે બનાવને પગલે ઈજાગ્રસ્ત યુવકના કાકા સમજાવવા જતા ઈસમે તેમના પર પણ લાકડી વડે હુમલો કરતા સમગ્ર મામલે વાંકાનેર તાલુકા પોલીસ સ્ટેશનમાં ફરિયાદ દાખલ કરવામાં આવી છે.
મળતી માહિતી અનુસાર, વાંકાનેરનાં તરકીયા ખાતે રહેતા પ્રવિણભાઇ વિરાભાઇ ડાભીની ભત્રીજો સંજય ભેસો લઇ વાડીએ જતો હતો. ત્યારે રસ્તામા ખરાબામા ભેસો ચરવા લાગેલ જેથી નાથાભાઇ વાઘજીભાઇ ગાંગડીયા (રહે.તરકીયા તા.વાંકાનેર જી.મોરબી) નામના શખ્સે સ્થળ પર આવી આ ખરાબો મારો વાળેલ છે તેમ કહી એકદમ ઉશ્કેરાઇ જઇ સંજયને લાકડી વડે મુંઢ માર મારી જેમ ફાવે તેમ ગાળો આપી તથા પ્રવિણભાઇ આરોપીને સમજાવવા જતા પ્રવિણભાઇને પણ ઈસમે માથામા લાકડી વડે માર મારી માથામા ઇજા પહોચાડી જેમ ફાવે તેમ ગાળો આપી જાનથી મારી નાખવાની ધમકી આપતા સમગ્ર મામલે પ્રવિણભાઇ વિરાભાઇ ડાભીએ વાંકાનેર તાલુકા પોલીસ સ્ટેશનમાં ફરિયાદ દાખલ કરાવી છે.
