ટંકારાની મધુબન ગ્રીન્સ સોસાયટીમાં થયો ઘરફોડ ચોરીનો નિષ્ફળ પ્રયાસ

મોરબીમાં ચોરીના બનાવો દિવસેને દિવસે વધી રહ્યા છે. ત્યારે ગઈકાલે ટંકારાના લજાઈ ગામે આવેલ મધુબન ગ્રીન્સ સોસાયટીમાં રહેણાંક મકાને ઘોરફોડ ચોરીનો નિષ્ફળ પ્રયાસ કરવામાં આવ્યો હતો. જે સમગ્ર મામલે ટંકારા પોલીસ સ્ટેશનમાં ગુન્હો દાખલ કરવામાં આવ્યો છે.

મળતી માહિતી અનુસાર, ટંકારાના લજાઈ ગામે આવેલ મધુબન ગ્રીન્સ સોસાયટી બ્લોક નં- સી-૬ મકાનમા રહેતા તૃપ્તીબેન ધીરજલાલ પડીયાના મકાનમા મેઈન દરવાજાનો નકુચો તોડી અમુક ઈસમો ગત તા- ૨૩/૦૭/૨૦૨૩ ના રાત્રીના સમયે ઘરમાં પ્રવેશ્યા હતા. અને મકાનમાં રહેલ ઘરવખરીના સમાન વેરવીખેર કરી નુકશાન કરી ચોરી કરવાના ઇરાદાથી રાત્રીના સમયે ઘરમા પ્રવેશ કરી ઘરફંફોળી ચોરી કરવાની કોશીષ કરી હતી. પરંતુ કશું હાથ ન લાગતા ચોરો નાશી છૂટ્યા હતા. જે સમગ્ર મામલે ટંકારા પોલીસે ગુન્હો નોંધી કાયદેસરની કાર્યવાહી હાથ ધરી છે.